Plantun de Prouvènço

Pèr coumpara dos planto d'encò nostre

Cynosurus echinatus & Abies cephalonica

Moufeto(-espinouso)

Cynosurus echinatus

Poaceae Graminaceae

Autre noum : Fen-sóuvage.

Noms en français : Crételle épineuse, Crételle hérissée.

Descripcioun :
La moufeto trachis dins li tepiero seco, se recounèis à soun enflourejado redouno e barbudo. Fai d'espiguet de dos meno : d'ùni esterle, de cop que i'a fertile au soumet (fotò), d'àutri fertile que toumbon un cop madur. Soubro pu alor que lis espiguet esterle (fotò), tout se.

Usanço :
Es uno bono erbo pasturiero.

Port : Erbo
Taio : 20 à 60 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Cynosurus
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 5 cm
Flourido : Printèms

Sòu : Ca
Autour basso e auto : 0 à 1700 m
Aparado : Noun
Mai à juliet

Liò : Tepiero seco - Camin - Roucaio
Estànci : Termoumediterran à Mountagnard
Couroulougi : Eurimediterrano
Ref. sc. : Cynosurus echinatus L., 1753

Sapin(-de-Cefalounìo)

Abies cephalonica

Pinaceae

Àutri noum : Sapin(-de-Grèço), Sap, Sapino, Abet, Sapi.

Noms en français : Sapin de Céphalonie, Sapin de Grèce.

Descripcioun :
Lou sapin-de-Cefalounìo trachis naturalamen en Grèço (Cefalounìo). Au nostre es esta planta pèr lou rebouscage. Sèmblo proun à nosto sapino, Abies alba, pamens li fueio soun mai longo (25 mm) e un pau torso sus la fin. Tambèn lou bout de la fueio èi pounchu (fotò). Li bourroun soun resinous. Es un aubre que devèn mens grand (30 m). Coumpara emé lou sapin dóu nostre que ié sèmblo proun.

Usanço :
Dèu agué li mémis usanço que la sapino.